أنا مها، بدأت رحلتي بدراسة الحقوق، ويمكن ده كان أول باب فتح ليّ علم فهم الإنسان وحقوقه وصوته. بعدها اتبعت صوتي الداخلي ودرست الدرسات الإسلامية لمدة أربع سنين ، والسنين دي خلتني اتعمق في روحي بشكل مختلف… خلّت علاقتي بالله والحياة أوضح وأنضج وأقرب لقلبي. ومع كل ده، كان عندي فضول مستمر أفهم النفس البشرية أكتر… فاخدت كورسات في علم النفس، ولقيت نفسي بلمس المشاعر وأسمعها من منظور جديد. ومع الوقت اتجمّع كل ده جوايا وصنع مني عقلية وقلب “لايف كوتش” بمعنى حقيقي… مش مجرد مهنة، لكن رسالة. أنا دلوقتي لايف كوتش معتمدة، ومتخصصة في العلاج الشعوري بتقنيات الـ PEAT، ومعالجة بالبندول، وممارسة لأداة الـ Access Bars. بستخدم كل الأدوات دي بروح واحدة: إني أكون مساحة أمان… وأساعد كل شخص يتقابل مع نفسه بصدق، ويفهم مشاعره، ويحرر اللي بيوجعه، ويمشي بخفّة أكتر ناحية حياته اللي يستحقها. رحلتي مش نظرية… رحلتي إنسانية، وروحية، ومليانة تجارب خلتني أؤمن إن الشفاء يبدأ من لحظة صدق… ولحظة حب… ولحظة استعداد إنك تسمح للنور يدخل.