انت منجز دون ان تعلم

إحنا ساعات بنبقى عايشين… بس مش شايفين نفسنا. مش شايفين قد إيه تعبنا، قد إيه حاولنا، قد إيه قاومنا الاستسلام. تيجي إنجازاتنا اليومية – حتى أبسطها – تقول للقلب: أنا شايفاك… ومقدّراك. إنجاز يومي مش شرط يكون “عملت حاجة كبيرة”. ممكن يكون: قومت من السرير رغم الثِقل قلت “لا” بدل ما أستنزف نفسي سكتّ بدل ما أجرح أخدت نفس بوعي فضّلت نفسي ولو مرة كل ده إنجاز روحي قبل ما يكون أي حاجة تانية. لما نوقف كل يوم ونقدّر إنجازاتنا، إحنا بنمسح الغشاوة اللي خلتنا قاسيين على نفسنا. بنرجّع للقلب إحساسه بالأمان. بنعلّمه إننا مش ضده… إحنا معاه. دي مش مجرد عادة إيجابية… دي جلسة حنان يومية بنقعد فيها مع نفسنا ونقول: أنا كنت موجودة النهارده… وده كفاية. وتدريجيًا… القلب يهدى النفس تلين والطريق يبان أوضح لأن الامتنان للإنجازات الصغيرة بيخلق طاقة كبيرة اسمها: تقدير الذات الحقيقي ✨